।। रुद्रध्यानम् –१ ।।
ओ(न्)नमो भगवते' रुद्रा॒य।
ओम्।
अथात्मानꣳ शिवात्मानꣳ श्रीरुद्ररूप(न्)ध्यायेत्।
शुद्धस्फटिकसङ्काश(न्)त्रिनेत्र(म्) पञ्चवक्त्रकम्।
गङ्गाधर(न्)दशभुजं सर्व्वाभरणभूषितम्।।१।।
नीलग्रीवं शशाङ्काङ्क(न्)नागयज्ञोपवीतिनम्।
व्याघ्रचर्मोत्तरीय(ञ्)च वरेण्यमभयप्रदम्।।२।।
कमण्डल्वक्षसूत्राणा(न्)धारिणं शूलपाणिनम्।
ज्वलन्त(म्)पिङ्गलजटाशिखामुद्योतधारिणम् ।।३।।
वृषस्कन्धसमारूढमुमादेहार्धधारिणम् ।
अमृतेनाप्लुतं शान्त(न्)दिव्यभोगसमन्वितम् ।।४।।
दिग्देवतासमायुक्तं सुरासुरनमस्कृतम्।
नित्य(ञ्)च शाश्वतं शुद्ध(न्)ध्रुवमक्षरमव्ययम् ।।५।।
सर्वव्यापिनमीशानं रुद्रं वै विश्वरूपिणम्।
एव(न्)ध्यात्वा द्विजसम्यक्ततो यजनमारभेत् ।।६।।
अथातो रुद्रस्नानार्चनाभिषेकविधिं व्याख्यास्यामः।
आदित एव तीर्थे स्नात्वा उदेत्य शुचि×प्रयतो ब्रह्मचारी शुक्लवासा देवाभिमुख(स्)स्थित्वा आत्मनि देवता(स्)स्थापयेत्।
___________________________________
।। दैवतन्यास–१ ।।
प्रजनने ब्रह्मा तिष्ठतु। पादयोर्विष्णुस्तिष्ठतु।
हस्तयोर्हरस्तिष्ठतु। बाह्वोरिन्द्रस्तिष्ठतु।
जठरेऽग्निस्तिष्ठतु। हृदये शिवस्तिष्ठतु।
कण्ठे वसवस्तिष्ठन्तु। वक्त्रे सरस्वती तिष्ठतु।
नासिकयोर्वायुस्तिष्ठतु। नयनयोश्चन्द्रादित्यौ तिष्ठेताम्।
कर्णयोरश्विनौ तिष्ठेताम्। ललाटे रुद्रास्तिष्ठन्तु।
मूर्ध्न्यादित्यास्तिष्ठन्तु। शिरसि महादेवस्तिष्ठतु।
शिखायां वामदेवस्तिष्ठतु। पृष्ठे पिनाकी तिष्ठतु।
पुरत(श्)शूली तिष्ठतु। पार्श्वयो(श्)शिवाशङ्करौ तिष्ठेताम्।
सर्वतो वायुस्तिष्ठतु। ततो बहि(स्) सर्वतोऽग्निर्ज्वालामालापरिवृतस्तिष्ठतु।
सर्वेष्वङ्गेषु सर्वा देवता यथास्थान(न्)तिष्ठन्तु।
माꣳरक्षन्तु।
___________________________________
।। दैवतन्यास–२ ।।
ओम्।
अ॒ग्निर्मे' वा॒चि श्रि॒तः। वाग्धृद॑ये। हृद॑यं॒ मयि॑। अ॒हम॒मृते"। अ॒मृतं॒ ब्रह्म॑णि।
वा॒युर्मे" प्रा॒णे श्रि॒तः। प्रा॒णो हृद॑ये। हृद॑यं॒ मयि॑। अ॒हम॒मृते"। अ॒मृतं॒ ब्रह्म॑णि।
सूर्यो' मे॒ चक्षुषि श्रि॒तः। चक्षु॒र्हृद॑ये। हृद॑यं॒ मयि॑। अ॒हम॒मृते"। अ॒मृतं॒ ब्रह्म॑णि।
च॒न्द्रमा॑ मे॒ मन॑सि श्रि॒तः। मनो॒ हृद॑ये। हृद॑यं॒ मयि॑। अ॒हम॒मृते"। अ॒मृतं॒ ब्रह्म॑णि।
दिशो' मे॒ श्रोत्रे" श्रि॒ताः। श्रोत्र॒ꣳहृद॑ये। हृद॑यं॒ मयि॑। अ॒हम॒मृते"। अ॒मृतं॒ ब्रह्म॑णि ।
आपो' मे॒ रेत॑सि श्रि॒ताः। रेतो॒ हृद॑ये। हृद॑यं॒ मयि॑। अ॒हम॒मृते"। अ॒मृतं॒ ब्रह्म॑णि।
पृ॒थि॒वी मे॒ शरी'रे श्रि॒ता। शरी'र॒ꣳहृद॑ये। हृद॑यं॒
मयि॑। अ॒हम॒मृते"। अ॒मृतं॒ ब्रह्म॑णि।
ओ॒ष॒धि॒व॒न॒स्प॒तयो' मे॒ लोम॑सु श्रि॒ताः। लोमा॑नि॒ हृद॑ये। हृद॑यं॒ मयि॑। अ॒हम॒मृते"। अ॒मृतं॒ ब्रह्म॑णि।
इन्द्रो' मे॒ बले" श्रि॒तः। बल॒ꣳहृद॑ये। हृद॑यं॒ मयि॑। अ॒हम॒मृते"। अ॒मृतं॒ ब्रह्म॑णि।
प॒र्जन्यो' मे मू॒र्ध्नि श्रि॒तः। मू॒र्धा हृद॑ये। हृद॑यं॒ मयि॑। अ॒हम॒मृते"। अ॒मृतं॒ ब्रह्म॑णि।
ईशा॑नो मे म॒न्यौ श्रि॒तः। म॒न्युर्हृद॑ये। हृद॑यं॒ मयि॑। अ॒हम॒मृते"। अ॒मृतं॒ ब्रह्म॑णि।
आ॒त्मा म॑ आ॒त्मनि॑ श्रि॒तः। आ॒त्मा हृद॑ये। हृद॑यं॒
मयि॑। अ॒हम॒मृते"। अ॒मृतं॒ ब्रह्म॑णि।
पुन॑र्म आ॒त्मा पुन॒रायु॒रागा"त् ।
पुनः॑ प्रा॒णः पुन॒राकू॑त॒मागा"त् । वै॒श्वा॒न॒रो र॒श्मिभि॑र्वावृधा॒नः। अ॒न्तस्ति॑ष्ठत्व॒मृत॑स्य गो॒पाः॥
___________________________________
।। विनियोगमन्त्रः।।
ओम्।
अस्य श्रीरुद्राध्यायप्रश्नमहामन्त्रस्य अघोर ऋषिः।
अनुष्टुप् छन्दः।
सङ्कर्षणमूर्तिस्वरूपो योऽसावादित्य× परमपुरुष(स्)स एष रुद्रो देवता।
नम(श्)शिवायेति बीजम्। शिवतरायेति शक्तिः। महादेवायेति कीलकम्।
श्रीसाम्बसदाशिवप्रसादसिद्ध्यर्थे जपे विनियोगः ।
__________________________________
।। करन्यासः ।।
ओम्।
अग्निहोत्रात्मने अङ्गुष्ठाभ्या(न्)नमः।
दर्शपूर्णमासात्मने तर्जनीभ्या(न्)नमः।
चातुर्मास्यात्मने मध्यमाभ्या(न्)नमः।
निरूढपशुबन्धात्मने अनामिकाभ्या(न्)नमः।
ज्योतिष्टोमात्मने कनिष्ठिकाभ्या(न्)नमः।
सर्वक्रत्वात्मने करतलकरपृष्ठाभ्या(न्)नमः।
__________________________________
।। अङ्गन्यासः।।
अग्निहोत्रात्मने हृदयाय नमः।
दर्शपूर्णमासात्मने शिरसे स्वाहा।
चातुर्मास्यात्मने शिखायै वषट्।
निरूढपशुबन्धात्मने कवचाय हुम्।
ज्योतिष्टोमात्मने नेत्रत्रयाय वौषट्।
सर्वक्रत्वात्मने अस्त्राय फट्।
भूर्भुवस्सुवरोमिति दिग्बन्धः।
___________________________________
॥ रुद्रध्यानम्–२ ॥
आपातालनभस्तलान्तभुवनब्रह्माण्डमाविस्फुरज्ज्योति(स्)-
स्फाटिकलिङ्गमौलिविलसत्पूर्णेन्दुवान्तामृतैः।
अस्तोकाप्लुतमेकमीशमनिशं रुद्रानुवाकाञ्जपन्
ध्यायेदीप्सितसिद्धये ध्रुवपदं विप्रोऽभिषिञ्चेच्छिवम् ।।१।।
ब्रह्माण्डव्याप्तदेहा भसितहिमरुचा भासमाना भुजङ्गैः
कण्ठे काला× कपर्दा× कलितशशिकलाश्चण्डकोदण्डहस्ताः।
त्र्यक्षा रुद्राक्षमाला× प्रकटितविभवा(श्)शाम्भवा मूर्तिभेदाः
रुद्रा(श्)श्रीरुद्रसूक्तप्रकटितविभवा न× प्रयच्छन्तु सौख्यम् ।।२।।
__________________________________
।। श्रीमहागणपतिध्यानम्।।
ओम्।
ग॒णाना"(न्) त्वा ग॒णप॑तिꣳहवामहे क॒वि(ङ्) क॑वी॒नामु॑प॒मश्र॑वस्तमम् ।
ज्ये॒ष्ठ॒राज॒(म्) ब्रह्म॑णा(म्) ब्रह्मणस्पत॒ आ नः॑ शृ॒ण्वन्नू॒तिभि॑(स्) सीद॒ साद॑नम्।
ओं श्रीमहागणपतये॒ नमः॑।
___________________________________
।। शान्तिपाठः।।
ॐ श(ञ्)च॑ मे॒ मय॑श्च मे प्रि॒य(ञ्)च॑ मेऽनुका॒मश्च॑ मे॒
काम॑श्च मे सौमन॒सश्च॑ मे भ॒द्र(ञ्)च॑ मे॒ श्रेय॑श्च मे॒
वस्य॑श्च मे॒ यश॑श्च मे॒ भग॑श्च मे॒ द्रवि॑ण(ञ्)च मे
य॒न्ता च मे ध॒र्ता च॑ मे॒ क्षेम॑श्च मे॒ धृति॑श्च मे॒
विश्व'(ञ्)च मे॒ मह॑श्च मे सं॒विच्च॑ मे॒ ज्ञात्र'(ञ्)च मे॒
सूश्च॑ मे प्र॒सूश्च॑ मे॒ सीर'(ञ्)च मे ल॒यश्च॑ म
ऋ॒त(ञ्)च॑ मे॒ऽमृत'(ञ्)च मेऽय॒क्ष्म(ञ्)च॒
मेऽना॑मयच्च मे जी॒वातुश्च मे दीर्घायु॒त्व(ञ्)च॑
मेऽनमि॒त्र(ञ्)च॒ मेऽभ॑य(ञ्)च मे
सु॒ग(ञ्)च॑ मे॒ शय॑न(ञ्)च मे सू॒षा च॑ मे सु॒दिन'(ञ्)च मे ॥
ॐ शान्तिः॒ शान्तिः॒ शान्तिः॑ ॥
-------------------------------------------------------
नमकम्।
।। प्रथमोऽनुवाक् ।।
ओ(न्)नमो भगवते' रुद्रा॒य ॥
ओम्।
नम॑स्ते रुद्र म॒न्यव॑ उ॒तोत॒ इष॑वे॒ नमः॑ ।
नम॑स्ते—अस्तु॒ धन्व॑ने बा॒हुभ्या॑मु॒त ते॒ नमः॑ ।।१।।
या त॒ इषुऺ(श्) शि॒वत॑मा शि॒व(म्)ब॒भूव॑ ते॒ धनुः॑ ।
शि॒वा श॑र॒व्या॑ या तव॒ तया॑ नो रुद्र मृडय ।।२।।
या ते' रुद्र शि॒वा त॒नूरघो॒राऽपा॑पकाशिनी ।
तया॑ नस्त॒नुवा॒ शन्त॑मया॒ गिरि॑शन्ता॒भिचा॑कशीहि ।।३।।
यामिषु'(ङ्)गिरिशन्त॒ हस्ते॒ बिभ॒र्ष्यस्त॑वे ।
शि॒वा(ङ्) गि॑रित्र॒ ता(ङ्) कु॑रु॒ मा हिꣳ॑सीः॒ पुरु॑षं(ञ्) जग॑त् ।।४।।
शि॒वेन॒ वच॑सा त्वा॒ गिरि॒शाच्छा॑वदामसि ।
यथा॑ न(स्) सर्व॒मिज्जग॑दय॒क्ष्मꣳसु॒मना॒—अस॑त्।।५।।
अध्य॑वोचदधिव॒क्ता प्र॑थ॒मो दैव्यो' भि॒षक् ।
अहीग्॑श्च॒ सर्वा"(ञ्)जम्भय॒न्—त्सर्वा"श्च यातुधा॒न्यः॑।।६।।
अ॒सौ यस्ता॒म्रो—अ॑रु॒ण उ॒त ब॒भ्रु(स्) सु॑म॒ङ्गलः॑ ।
ये चे॒माꣳरु॒द्रा—अ॒भितो' दि॒क्षु श्रि॒ता(स्) स॑हस्र॒शोऽवै'षा॒ꣳ॒हेड॑ ईमहे।।७।।
अ॒सौ यो'ऽव॒सर्प'ति॒ नील॑ग्रीवो॒ विलो'हितः ।
उ॒तैनं॑ गो॒पा—अ॑दृश॒न्नदृ॑शन्नुदहा॒र्यः॑ ।
उ॒तैनं॒ विश्वा॑ भू॒तानि॒ स दृ॒ष्टो मृ॑डयाति नः।।८।।
नमो'—अस्तु॒ नील॑ग्रीवाय सहस्रा॒क्षाय॑ मी॒ढुषे" ।
अथो॒— ये अ॑स्य॒ सत्त्वा॑नो॒ऽहं तेभ्यो'ऽकर॒न्नमः॑।।९।।
प्रमु॑ञ्च॒ धन्व॑न॒स्त्वमु॒भयो॒रार्त्नि'यो॒र्ज्याम् ।
याश्च॑ ते॒ हस्त॒ इष॑वः॒ परा॒ ता भ॑गवो वप।।१०।।
अ॒व॒तत्य॒ धनु॒स्त्वꣳ सह॑स्राक्ष॒ शते'षुधे ।
नि॒शीर्य' श॒ल्याना॒(म्)मुखा॑ शि॒वो न॑(स्) सु॒मना॑ भव ।।११।।
विज्य(न्) धनुः॑ कप॒र्दिनो॒ विश॑ल्यो॒ बाण॑वाꣳउ॒त ।
अने'शन्न॒स्येष॑व आ॒भुर॑स्य निष॒ङ्गथिः॑।।१२।।
या ते' हे॒तिर्मी'ढुष्टम॒ हस्ते' ब॒भूव॑ ते॒ धनुः॑ ।
तया॒ऽस्मान्— वि॒श्वत॒स्त्वम॑य॒क्ष्मया॒ परि॑ब्भुज ।।१३।।
नम॑स्ते—अ॒स्त्वायु॑धा॒याना॑तताय धृ॒ष्णवे"।
उ॒भाभ्या॑मु॒त ते॒ नमो' बा॒हुभ्या(न्)तव॒ धन्व॑ने।।१४।।
परि॑ ते॒ धन्व॑नो हे॒तिर॒स्मान्वृ॑णक्तु वि॒श्वतः॑ ।
अथो॒ य इ॑षु॒धिस्तवा॒रे— अ॒स्मन्निधे'हि॒ तम् ॥१५॥
____________________________________
शम्भ॑वे॒ नमः॑ ।
नम॑स्ते—अस्तु भगवन्विश्वेश्व॒राय॑
महादे॒वाय॑ त्र्यम्ब॒काय॑ त्रिपुरान्त॒काय॑
त्रिकाग्निका॒लाय॑ कालाग्निरु॒द्राय॑
नीलक॒ण्ठाय॑ मृत्युञ्ज॒याय॑
सर्वेश्व॒राय॑ सदाशि॒वाय॑
श्रीमन्महादे॒वाय॒ नमः॑ ॥
___________________________________
।। द्वितीयोऽनुवाक् ।।
नमो॒ हिर॑ण्यबाहवे सेना॒न्ये' दि॒शां च॒ पत॑ये॒ नमो॒
नमो' वृ॒क्षेभ्यो॒ हरि॑केशेभ्यः पशू॒नां पत॑ये॒ नमो॒
नम॑(स्) स॒स्पिञ्ज॑राय॒ त्विषी'मते पथी॒नां पत॑ये॒ नमो॒
नमो' बभ्लु॒शाय॑ विव्या॒धिनेऽन्ना॑नां॒ पत॑ये॒ नमो॒
नमो॒ हरि॑केशायोपवी॒तिने' पु॒ष्टानां॒ पत॑ये॒ नमो॒
नमो' भ॒वस्य॑ हे॒त्यै जग॑ता॒(म्) पत॑ये॒ नमो॒
नमो' रु॒द्राया॑तता॒विने॒ क्षेत्रा॑णा॒(म्) पत॑ये॒ नमो॒
नम॑(स्) सू॒तायाह॑न्त्याय॒ वना॑ना॒(म्) पत॑ये॒ नमो॒
नमो॒ रोहि॑ताय स्थ॒पत॑ये वृ॒क्षाणा॒(म्) पत॑ये॒ नमो॒
नमो' म॒न्त्रिणे' वाणि॒जाय॒ कक्षा॑णा॒(म्) पत॑ये॒ नमो॒
नमो' भुवं॒तये' वारिवस्कृ॒तायौष॑धीना॒(म्) पत॑ये॒ नमो॒
नम॑ उ॒च्चैर्-घो'षायाक्र॒न्दय॑ते पत्ती॒ना(म्) पत॑ये॒ नमो॒
नम॑× कृत्स्नवी॒ताय॒ धाव॑ते॒ सत्त्व॑ना॒(म्)पत॑ये॒ नमः॑।।
___________________________________
।। तृतीयोऽनुवाक् ।।
नम॒(स्) सह॑मानाय निव्या॒धिन॑ आव्या॒धिनी'ना॒(म्) पत॑ये॒ नमो॒
नम॑× ककु॒भाय॑ निष॒ङ्गिणे' स्ते॒नाना॒(म्) पत॑ये॒ नमो॒
नमो' निष॒ङ्गिण॑ इषुधि॒मते॒ तस्क॑राणा॒(म्) पत॑ये॒ नमो॒
नमो॒ वञ्च॑ते परि॒वञ्च॑ते स्तायू॒ना(म्) पत॑ये॒ नमो॒
नमो' निचे॒रवे' परिच॒रायार॑ण्याना॒(म्) पत॑ये॒ नमो॒
नम'(स्) सृका॒विभ्यो॒ जिघाꣳ॑सद्भ्यो मुष्ण॒ता(म्) पत॑ये॒ नमो॒
नमो'ऽसि॒मद्भ्यो॒ नक्त॒ञ्चर॑द्भ्यः प्रकृ॒न्ताना॒(म्) पत॑ये॒ नमो॒
नम॑ उष्णी॒षिणे' गिरिच॒राय॑ कुलु॒ञ्चाना॒(म्) पत॑ये॒ नमो॒
नम॒ इषु॑मद्भ्यो धन्वा॒विभ्य॑श्च वो॒ नमो॒
नम॑ आतन्वा॒नेभ्यः॑ प्रति॒दधा॑नेभ्यश्च वो॒ नमो॒
नम॑ आ॒यच्छ॑द्भ्यो विसृ॒जद्भ्य॑श्च वो॒ नमो॒
नमोऽस्य॑द्भ्यो॒ विध्य॑द्भ्यश्च वो॒ नमो॒
नम॒ आसी॑नेभ्य॒(श्) शया॑नेभ्यश्च वो॒ नमो॒
नम'(स्) स्व॒पद्भ्यो॒ जाग्र॑द्भ्यश्च वो॒ नमो॒
नम॒स्तिष्ठ॑द्भ्यो॒ धाव॑द्भ्यश्च वो॒ नमो॒
नम'(स्) स॒भाभ्यः॑ स॒भाप॑तिभ्यश्च वो॒ नमो॒
नमो॒ अश्वे॒भ्योऽश्व॑पतिभ्यश्च वो॒ नमः॑।।
___________________________________
।। चतुर्थोऽनुवाक् ।।
नम॑ आव्य॒धिनी'भ्यो वि॒विध्य॑न्तीभ्यश्च वो॒ नमो॒
नम॒ उग॑णाभ्यस्तृꣳह॒तीभ्य॑श्च वो॒ नमो॒
नमो' गृ॒त्सेभ्यो' गृ॒त्सप॑तिभ्यश्च वो॒ नमो॒
नमो॒ व्राते'भ्यो॒ व्रात॑पतिभ्यश्च वो॒ नमो॒
नमो' ग॒णेभ्यो' ग॒णप॑तिभ्यश्च वो॒ नमो॒
नमो॒ विरू॑पेभ्यो वि॒श्वरू॑पेभ्यश्च वो॒ नमो॒
नमो' म॒हद्भ्य॑× क्षुल्ल॒केभ्य॑श्च वो॒ नमो॒
नमो' र॒थिभ्यो'ऽर॒थेभ्य॑श्च वो॒ नमो॒
नमो॒ रथे'भ्यो॒ रथ॑पतिभ्यश्च वो॒ नमो॒
नम॒(स्) सेना᳚भ्य(स्) सेना॒नीभ्य॑श्च वो॒ नमो॒
नम'×क्ष॒त्तृभ्य॑(स्) संग्रही॒तृभ्य॑श्च वो॒ नमो॒
नम॒स्तक्ष॑भ्यो रथका॒रेभ्य॑श्च वो॒ नमो॒
नम॒× कुला॑लेभ्य× क॒र्मारे'भ्यश्च वो॒ नमो॒
नम॑× पु॒ञ्जिष्टे'भ्यो निषा॒देभ्य॑श्च वो॒ नमो॒
नम॑ इषु॒कृद्भ्यो' धन्व॒कृद्भ्य॑श्च वो॒ नमो॒
नमो' मृग॒युभ्य॑(श्) श्व॒निभ्य॑श्च वो॒ नमो॒
नम॒(श्) श्वभ्य॒(श्)श्वप॑तिभ्यश्च वो॒ नमः॑।।
___________________________________
।। पञ्चमोऽनुवाक् ।।
नमो॑ भ॒वाय॑ च रु॒द्राय॑ च॒
नम॑(श्) श॒र्वाय॑ च पशु॒पत॑ये च॒
नमो॒ नील॑ग्रीवाय च शिति॒कण्ठा॑य च॒
नम॑× कप॒र्दिने' च॒ व्यु॑प्तकेशाय च॒
नम॑(स्) सहस्रा॒क्षाय॑ च श॒तध॑न्वने च॒
नमो' गिरि॒शाय॑ च शिपिवि॒ष्टाय॑ च॒
नमो' मी॒ढुष्ट॑माय॒ चेषु॑मते च॒
नमो' ह्र॒स्वाय॑ च वाम॒नाय॑ च॒
नमो' बृह॒ते च॒ वर्षी॑यसे च॒
नमो' वृ॒द्धाय॑ च सं॒वृध्व॑ने च॒
नमो॒ अग्रि॑याय च प्रथ॒माय॑ च॒
नम॑ आ॒शवे' चाजि॒राय॑ च॒
नमः॒ शीघ्रि॑याय च॒ शीभ्या॑य च॒
नम॑ ऊ॒र्म्या'य चावस्व॒न्या॑य च॒
नमः॑ स्रोत॒स्या॑य च॒ द्वीप्या॑य च।।
___________________________________
।। षष्ठोऽनुवाक् ।।
नमो' ज्ये॒ष्ठाय॑ च कनि॒ष्ठाय॑ च॒
नम॑× पूर्व॒जाय॑ चापर॒जाय॑ च॒
नमो' मध्य॒माय॑ चापग॒ल्भाय॑ च॒
नमो' जघ॒न्या॑य च॒ बुध्नि॑याय च॒
नम॑(स्) सो॒भ्या॑य च प्रतिस॒र्या॑य च॒
नमो॒ याम्या॑य च॒ क्षेम्या॑य च॒
नम॑ उर्व॒र्या॑य च॒ खल्या॑य च॒
नम॒(श्) श्लोक्या॑य चाऽवसा॒न्या॑य च॒
नम॒(श्) शुष्क्या॑य च हरि॒त्या॑य च॒
नमो॒ वन्या॑य च॒ कक्ष्या॑य च॒
नम॑(श्) श्र॒वाय॑ च प्रतिश्र॒वाय॑ च॒
नम॑ आ॒शुषे'णाय चा॒शुर॑थाय च॒
नम॒(श्) शूरा॑य चावभिन्द॒ते च॒
ये ती॒र्थानि॑ प्र॒चर॑न्ति सृ॒काव॑न्तो निष॒ङ्गिणः॑।
नमो' व॒र्मिणे॑ च वरू॒थिने' च॒
नमो' बि॒ल्मिने' च कव॒चिने' च॒
नम॑(श्) श्रु॒ताय॑ च श्रुतसे॒नाय॑ च।।
___________________________________
।। सप्तमोऽनुवाक् ।।
नमो' दुन्दु॒भ्या॑य चाहन॒न्या॑य च॒
नमो' धृ॒ष्णवे' च प्रमृ॒शाय॑ च॒
नमो' दू॒ताय॑ च॒ प्रहि॑ताय च॒
नमो' निष॒ङ्गिणे' चेषुधि॒मते' च॒
नम॑स्ती॒क्ष्णेष॑वे चायु॒धिने' च॒
नम॑(स्) स्वायु॒धाय॑ च सु॒धन्व॑ने च॒
नम॒(स्) स्रुत्या॑य च॒ पथ्या॑य च॒
नम॑× का॒ट्या॑य च नी॒प्या॑य च॒
नम॒(स्) सूद्या॑य च सर॒स्या॑य च॒
नमो' ना॒द्याय॑ च वैश॒न्ताय॑ च॒
नम॒× कूप्या॑य चाव॒ट्या॑य च॒
नमो॒ वर्ष्या'य चाव॒र्ष्याय॑ च॒
नमो' मे॒घ्या॑य च विद्यु॒त्या॑य च॒
नम॑ ई॒ध्रिया॑य चात॒प्या॑य च॒
नमो॒ वात्या॑य च॒ रेष्मि॑याय च॒
नमो' वास्त॒व्या॑य च वास्तु॒पाय॑ च।।
___________________________________
।। अष्टमोऽनुवाक् ।।
नम॒(स्) सोमा॑य च रु॒द्राय॑ च॒
नम॑स्ता॒म्राय॑ चारु॒णाय॑ च॒
नम॑(श्) श॒ङ्गाय॑ च पशु॒पत॑ये च॒
नम॑ उ॒ग्राय॑ च भी॒माय॑ च॒
नमो' अग्रेव॒धाय॑ च दूरेव॒धाय॑ च॒
नमो' ह॒न्त्रे च॒ हनी'यसे च॒
नमो' वृ॒क्षेभ्यो॒ हरि॑केशेभ्यो॒ नम॑स्ता॒राय॒
नम॑(श्)शम्भवे' च मयो॒भवे' च॒
नम॑(श्) शङ्क॒राय॑ च मयस्क॒राय॑ च॒
नम॑(श्) शि॒वाय॑ च शि॒वत॑राय च॒
नम॒स्तीर्थ्या'य च॒ कूल्या॑य च॒
नम॑× पा॒र्या॑य चावा॒र्या'य च॒
नम॑× प्र॒तर॑णाय चो॒त्तर॑णाय च॒
नम॑ आता॒र्या'य चाला॒द्या॑य च॒
नम॒(श्) शष्प्या॑य च॒ फेन्या॑य च॒
नम॑(स्) सिक॒त्या॑य च प्रवा॒ह्या॑य च।।
___________________________________
।। नवमोऽनुवाक् ।।
नम॑ इरि॒ण्या॑य च प्रप॒थ्या॑य च॒
नम॑× किꣳशि॒लाय॑ च॒ क्षय॑णाय च॒
नम॑× कप॒र्दिने' च पुल॒स्तये' च॒
नमो॒ गोष्ठ्या॑य च॒ गृह्या॑य च॒
नम॒स्तल्प्या॑य च॒ गेह्या॑य च॒
नम॑× का॒ट्या॑य च गह्वरे॒ष्ठाय॑ च॒
नमो' ह्रद॒य्या॑य च निवे॒ष्प्या॑य च॒
नम॑× पाꣳस॒व्या॑य च रज॒स्या॑य च॒
नमो॒ लोप्या॑य चोल॒प्या॑य च॒
नम॑ ऊ॒र्व्या'य च सू॒र्म्या'य च॒
नम॑× प॒र्ण्या'य च पर्णश॒द्या॑य च॒
नमो'ऽपगु॒रमा॑णाय चाभिघ्न॒ते च॒
नम॑ आख्खिद॒ते च॑ प्रख्खिद॒ते च॒
नमो' व× किरि॒केभ्यो' दे॒वाना॒ꣳ॒ हृद॑येभ्यो॒
नमो' विक्षीण॒केभ्यो॒ दे॒वाना॒ꣳ॒ हृद॑येभ्यो॒
नमो' विचिन्व॒त्केभ्यो॒ दे॒वाना॒ꣳ॒ हृद॑येभ्यो॒
नम॑ आनिर्ह॒तेभ्यो॒ दे॒वाना॒ꣳ॒ हृद॑येभ्यो॒
नम॑ आमीव॒त्केभ्यो' दे॒वाना॒ꣳ॒ हृद॑येभ्यः।।
___________________________________
।। दशमोऽनुवाक् ।।
द्रापे॒ अन्ध॑सस्पते॒ दरि॑द्र॒न्नील॑लोहित।
ए॒षा(म्) पुरु॑षाणामे॒षा(म्) प॑शू॒ना(म्) मा भेर्माऽरो॒ मो ए॑षा॒(ङ्) किञ्च॒नाम॑मत् ।।१।।
या ते' रुद्र शि॒वा त॒नू(श्) शि॒वा वि॒श्वाह॑भेषजी।
शि॒वा रु॒द्रस्य॑ भेष॒जी तया॑ नो मृड जी॒वसे"।।२।।
इ॒माꣳरु॒द्राय॑ त॒वसे' कप॒र्दिने" क्ष॒यद्वी'राय॒ प्रभ॑रामहे म॒तिम् ।
यथा॑ न॒(श्) शमस॑द्द्वि॒पदे॒ चतु॑ष्पदे॒ विश्व'(म्)
पु॒ष्ट(ङ्) ग्रामे' अ॒स्मिन्नना॑तुरम्।।३।।
मृ॒डा नो' रुद्रो॒त नो॒ मय॑स्कृधि क्ष॒यद्वी'राय॒ नम॑सा विधेम ते।
यच्छ(ञ्) च॒ योश्च॒ मनु॑राय॒जे पि॒ता तद॑श्याम॒ तव॑ रुद्र॒ प्रणी'तौ ।।४।।
मा नो' म॒हान्त॑मु॒त मा नो' अर्भ॒कं
मा न॒ उक्ष॑न्तमु॒त मा न॑ उक्षि॒तम् ।
मा नो'ऽवधीः पि॒तर॒(म्) मोत मा॒तरं'
प्रि॒या मा न॑स्त॒नुवो' रुद्र रीरिषः।।४।।
मा न॑स्तो॒के तन॑ये॒ मा न॒ आयु॑षि॒
मा नो॒ गोषु॒ मा नो॒ अश्वे'षु रीरिषः ।
वी॒रान्मा नो' रुद्र भामि॒तोऽव॑धी-
र्ह॒विष्म॑न्तो॒ नम॑सा विधेम ते।।५।।
आ॒रात्ते' गो॒घ्न उ॒त पू॑रुष॒घ्ने
क्ष॒यद्वी'राय सु॒म्नम॒स्मे ते' अस्तु ।
रक्षा॑ च नो॒ अधि॑ च देव ब्रू॒ह्यधाः॑
च नः॒ शर्म' यच्छ द्वि॒बर्हाः᳚।।६।।
स्तु॒हि श्रु॒तं ग॑र्त॒सदं॒ युवा॑नं
मृ॒गन्न भी॒ममु॑पह॒त्नुमु॒ग्रम् ।
मृ॒डा ज॑रि॒त्रे रु॑द्र॒ स्तवा॑नो
अ॒न्यन्ते' अ॒स्मन्निव॑पन्तु॒ सेनाः᳚।।७।।
परि॑ णो रु॒द्रस्य॑ हे॒तिर्वृ'णक्तु॒
परि॑ त्वे॒षस्य॑ दुर्म॒तिर॑घा॒योः।
अव॑ स्थि॒रा म॒घव॑द्भ्यस्तनुष्व॒
मीढ्व॑स्तो॒काय॒ तन॑याय मृडय।।८।।
मीढु॑ष्टम॒ शिव॑तम शि॒वो न॑(स्) सु॒मना॑ भव।
प॒र॒मे वृ॒क्ष आयु॑धन्नि॒धाय॒ कृत्तिं॒ वसा॑न॒ आच॑र॒
पिना॑क॒(म्) बिभ्र॒दाग॑हि।।९।।
विकि॑रिद॒ विलो'हित॒ नम॑स्ते अस्तु भगवः।
यास्ते' स॒हस्रꣳ॑ हे॒तयो॒ऽन्यम॒स्मन्निव॑पन्तु॒ ताः।।१०।।
स॒हस्रा॑णि सहस्र॒धा बा॑हु॒वोस्तव॑ हे॒तयः॑ ।
तासा॒मीशा॑नो भगवः परा॒चीना॒ मुखा॑ कृधि ।।११।।
___________________________________
।। एकादशोऽनुवाक् ।।
स॒हस्रा॑णि सहस्र॒शो ये रु॒द्रा अधि॒ भूम्या᳚म् ।
तेषाꣳ॑ सहस्रयोज॒नेऽव॒ धन्वा॑नि तन्मसि।।१२।।
अ॒स्मिन्म॑ह॒त्य॑र्ण॒वे'ऽन्तरि॑क्षे भ॒वा अधि॑।
तेषाꣳ॑ सहस्रयोज॒नेऽव॒ धन्वा॑नि तन्मसि।।१२।।
नील॑ग्रीवा(श्) शिति॒कण्ठाः᳚ श॒र्वा अ॒धः क्ष॑माच॒राः।
तेषाꣳ॑ सहस्रयोज॒नेऽव॒ धन्वा॑नि तन्मसि।।१२।।
नील॑ग्रीवा(श्) शिति॒कण्ठा॒ दिवꣳ॑ रु॒द्रा उप॑श्रिताः।
तेषाꣳ॑ सहस्रयोज॒नेऽव॒ धन्वा॑नि तन्मसि।।१२।।
ये वृ॒क्षेषु॑ स॒स्पिञ्ज॑रा॒ नील॑ग्रीवा॒ विलो'हिताः।
तेषाꣳ॑ सहस्रयोज॒नेऽव॒ धन्वा॑नि तन्मसि।।१२।।
ये भू॒ताना॒मधि॑पतयो विशि॒खासः॑ कप॒र्दिनः॑।
तेषाꣳ॑ सहस्रयोज॒नेऽव॒ धन्वा॑नि तन्मसि।।१२।।
ये अन्ने'षु वि॒विध्य॑न्ति॒ पात्रे'षु॒ पिब॑तो॒ जनान्॑।
तेषाꣳ॑ सहस्रयोज॒नेऽव॒ धन्वा॑नि तन्मसि।।१२।।
ये प॒था(म्) प॑थि॒ रक्ष॑य ऐलबृ॒दा य॒व्युधः॑।
तेषाꣳ॑ सहस्रयोज॒नेऽव॒ धन्वा॑नि तन्मसि।।१२।।
तेषाꣳ॑ सहस्रयोज॒नेऽव॒ धन्वा॑नि तन्मसि।।१२।।
य ए॒ताव॑न्तश्च॒ भूयाꣳ॑सश्च॒ दिशो' रु॒द्रा वि॑तस्थि॒रे।
तेषाꣳ॑ सहस्रयोज॒नेऽव॒ धन्वा॑नि तन्मसि ।
नमो' रु॒द्रेभ्यो॒ ये पृ॑थि॒व्यां ये'ऽन्तरि॑क्षे॒ ये दि॒वि
येषा॒मन्नं॒ वातो' व॒र्॒षमिष॑व॒स्तेभ्यो॒ दश॒ प्राची॒र्दश॑
दक्षि॒णा दश॑ प्र॒तीची॒र्दशोदी'ची॒र्दशो॒र्ध्वास्तेभ्यो॒ नम॒स्ते नो'।
मृडयन्तु॒ ते य(न्) द्वि॒ष्मो यश्च॑ नो॒ द्वेष्टि॒ तं वो॒ जम्भे' दधामि ॥ ११ ॥
___________________________________
त्र्य॑म्बकं यजामहे सुग॒न्धि(म्) पु॑ष्टि॒वर्ध'नम् ।
उ॒र्वा॒रु॒कमि॑व॒ बन्ध॑नान्मृ॒त्योर्मु'क्षीय॒ माऽमृता᳚त् ॥१।।
यो रु॒द्रो अ॒ग्नौ यो अ॒प्सु य ओष॑धीषु॒ यो रु॒द्रो
विश्वा॒ भुव॑ना वि॒वेश॒ तस्मै' रु॒द्राय॒ नमो' अस्तु ॥२।।
तमु॑ ष्टु॒हि॒ य(स्) स्वि॒षु(स्) सु॒धन्वा॒ यो विश्व॑स्य॒
क्षय॑ति भेष॒जस्य॑ ।
यक्ष्वा᳚म॒हे सौ'मन॒साय॑ रु॒द्रं नमो'भिर्दे॒वमसु॑रं दुवस्य ॥३।।
अ॒यं मे॒ हस्तो॒ भग॑वान॒यं मे॒ भग॑वत्तरः ।
अ॒यं मे' वि॒श्वभे'षजो॒ऽयꣳ शि॒वाभि॑मर्शनः ॥४।।
ये ते' स॒हस्र॑म॒युतं॒ पाशा॒ मृत्यो॒ मर्त्या'य॒ हन्त॑वे ।
तान् य॒ज्ञस्य॑ मा॒यया॒ सर्वा॒नव॑ यजामहे ।
मृ॒त्यवे॒ स्वाहा॑ मृ॒त्यवे॒ स्वाहा᳚ ॥५।।
ॐ नमो भगवते रुद्राय विष्णवे मृत्यु॑र्मे पा॒हि ।
प्राणाना(ङ्)ग्रन्थिरसि रुद्रो मा॑ विशा॒न्तकः । तेनान्नेना᳚प्याय॒स्व ॥६।।
नमो रुद्राय विष्णवे मृत्यु॑र्मे पा॒हि ।
सदाशि॒वोम् ॥८।।
ॐ शान्तिः॒ शान्तिः॒ शान्तिः॑ ॥
---------------------------------------------------------
चमकम्।
।। प्रथमोऽनुवाक् ।।
ओम्।
अग्ना॑विष्णू स॒जोष॑से॒मा व॑र्धन्तु वा॒(ङ्) गिरः॑।
द्यु॒म्नैर्वाजे'भि॒राग॑तम् ।
वाज॑श्च मे प्रस॒वश्च॑ मे॒ प्रय॑तिश्च मे॒ प्रसि॑तिश्च मे
धी॒तिश्च॑ मे॒ क्रतु॑श्च मे॒ स्वर॑श्च मे॒ श्लोक॑श्च मे
श्रा॒वश्च॑ मे॒ श्रुति॑श्च मे॒ ज्योति॑श्च मे॒ सुव॑श्च मे
प्रा॒णश्च॑ मेऽपा॒नश्च॑ मे व्या॒नश्च॒ मेऽसु॑श्च मे
चि॒त्त(ञ्) च॑ म॒ आधी'त(ञ्) च मे॒ वाक्च॑ मे॒ मन॑श्च मे॒
चक्षु॑श्च मे॒ श्रोत्र॑(ञ्) च मे॒ दक्ष॑श्च मे॒ बल॑(ञ्) च
म॒ ओज॑श्च मे॒ सह॑श्च म॒ आयु॑श्च मे ज॒रा च॑ म
आ॒त्मा च॑ मे त॒नूश्च॑ मे॒ शर्म' च मे॒ वर्म' च मे॒ऽङ्गा॑नि
च मे॒ऽस्थानि॑ च मे॒ परूꣳ॑षि च मे॒ शरी'राणि च मे ॥
____________________________________
।। द्वितीयोऽनुवाक्।।
ज्यैष्ठ्य॑(ञ्) च म॒ आधि॑पत्य(ञ्) च मे म॒न्युश्च॑ मे॒
भाम॑श्च॒ मेऽम॑श्च॒ मेऽम्भ॑श्च मे जे॒मा च॑ मे महि॒मा च॑ मे
वरि॒मा च॑ मे प्रथि॒मा च॑ मे व॒र्ष्मा च॑ मे द्राघु॒या च॑ मे
वृ॒द्ध(ञ्) च॑ मे॒ वृद्धि॑श्च मे स॒त्य(ञ्) च॑ मे श्र॒द्धा च॑ मे॒
जग॑च्च मे॒ धन॑(ञ्) च मे॒ वश॑श्च मे॒ त्विषि॑श्च मे
क्री॒डा च॑ मे॒ मोद॑श्च मे जा॒त(ञ्) च॑ मे जनि॒ष्यमा॑ण(ञ्) च मे
सू॒क्त(ञ्) च॑ मे सुकृ॒त(ञ्) च॑ मे वि॒त्त(ञ्) च॑ मे॒ वेद्य॑(ञ्) च मे
भू॒त(ञ्) च॑ मे भवि॒ष्यच्च॑ मे सु॒ग(ञ्)च॑ मे सु॒पथ॑(ञ्)च म ऋ॒द्ध(ञ्) च॑ म॒ ऋद्धि॑श्च मे कॢ॒प्त(ञ्) च॑ मे॒
कॢप्ति॑श्च मे म॒तिश्च॑ मे सुम॒तिश्च॑ मे ॥
__________________________________
।। तृतीयोऽनुवाक्।।
श(ञ्) च॑ मे॒ मय॑श्च मे प्रि॒य(ञ्) च॑ मेऽनुका॒मश्च॑ मे॒
काम॑श्च मे सौमन॒सश्च॑ मे भ॒द्र(ञ्) च॑ मे॒ श्रेय॑श्च मे॒
वस्य॑श्च मे॒ यश॑श्च मे॒ भग॑श्च मे॒ द्रवि॑ण(ञ्) च मे
य॒न्ता च॑ मे ध॒र्ता च॑ मे॒ क्षेम॑श्च मे॒ धृति॑श्च मे॒
विश्व॑(ञ्) च मे॒ मह॑श्च मे सं॒विच्च॑ मे॒ ज्ञात्रं॑(ञ्) च मे॒
सूश्च॑ मे प्र॒सूश्च॑ मे॒ सीर॑(ञ्)च मे ल॒यश्च॑ म ऋ॒तं(ञ्) च॑
मे॒ऽमृत॑(ञ्)च मेऽय॒क्ष्म(ञ्)च॒ मेऽना॑मयच्च मे
जी॒वातु॑श्च मे दीर्घायु॒त्व(ञ्) च॑ मेऽनमि॒त्र(ञ्) च॒
मेऽभ॑य(ञ्)च मे सु॒ग(ञ्)च॑ मे॒ शय॑न(ञ्)च मे सू॒षा च॑ मे सु॒दिन॑(ञ्) च मे ॥
__________________________________
।। चतुर्थोऽनुवाक्।।
ऊर्क्च' मे सू॒नृता॑ च मे॒ पय॑श्च मे॒ रस॑श्च मे
घृ॒त(ञ्)च॑ मे॒ मधु॑ च मे॒ सग्धि॑श्च मे॒ सपी'तिश्च मे
कृ॒षिश्च॑ मे॒ वृष्टि॑श्च मे॒ जैत्र॑(ञ्)च म॒ औद्भि॑द्य(ञ्) च मे
र॒यिश्च॑ मे॒ राय॑श्च मे पु॒ष्ट(ञ्) च॑ मे॒ पुष्टि॑श्च मे
वि॒भु च॑ मे प्र॒भु च॑ मे ब॒हु च॑ मे॒ भूय॑श्च मे
पू॒र्ण(ञ्) च॑ मे पू॒र्णत॑र(ञ्)च॒ मेऽक्षि॑तिश्च मे॒
कूय॑वाश्च॒ मेऽन्न॑(ञ्)च॒ मेऽक्षु॑च्च मे व्री॒हय॑श्च मे॒
यवा᳚श्च मे॒ माषा᳚श्च मे॒ तिला᳚श्च मे मु॒द्गाश्च॑ मे
ख॒ल्वा᳚श्च मे गो॒धूमा᳚श्च मे म॒सुरा᳚श्च मे प्रि॒यङ्ग॑वश्च॒
मेऽण॑वश्च मे श्या॒मका᳚श्च मे नी॒वारा᳚श्च मे ॥
__________________________________
।। पञ्चमोऽनुवाक्।।
अश्मा॑ च मे॒ मृत्ति॑का च मे गि॒रय॑श्च मे॒ पर्व'ताश्च मे॒
सिक॑ताश्च मे॒ वन॒स्पत॑यश्च मे॒ हिर॑ण्य(ञ्)च॒
मेऽय॑श्च मे॒ सीस॑(ञ्) च मे॒ त्रपु॑श्च मे श्या॒म(ञ्) च॑ मे
लो॒ह(ञ्) च॑ मे॒ऽग्निश्च॑ म॒ आप॑श्च मे वी॒रुध॑श्च म॒
ओष॑धयश्च मे कृष्टप॒च्य(ञ्)च॑ मेऽकृष्टप॒च्य(ञ्)च॑ मे
ग्रा॒म्याश्च॑ मे प॒शव॑ आर॒ण्याश्च॑ य॒ज्ञेन॑ कल्पन्तां
वि॒त्तं च मे॒ वित्ति॑श्च मे भू॒त(ञ्) च॑ मे॒ भूति॑श्च मे॒
वसु॑ च मे वस॒तिश्च॑ मे॒ कर्म' च मे॒ शक्ति॑श्च॒
मेऽर्थ'श्च म॒ एम॑श्च म॒ इति॑श्च मे॒ गति॑श्च मे ॥
__________________________________
।।षष्ठोऽनुवाक्।।
अ॒ग्निश्च॑ म॒ इन्द्र॑श्च मे॒ सोम॑श्च म॒ इन्द्र॑श्च मे
सवि॒ता च॑ म॒ इन्द्र॑श्च मे॒ सर॑स्वती च म॒ इन्द्र॑श्च मे
पू॒षा च॑ म॒ इन्द्र॑श्च मे॒ बृह॒स्पति॑श्च म॒ इन्द्र॑श्च मे
मि॒त्रश्च॑ म॒ इन्द्र॑श्च मे॒ वरु॑णश्च म॒ इन्द्र॑श्च मे॒
त्वष्टा॑ च म॒ इन्द्र॑श्च मे धा॒ता च॑ म॒ इन्द्र॑श्च मे॒
विष्णु॑श्च म॒ इन्द्र॑श्च मे॒ऽश्विनौ' च म॒ इन्द्र॑श्च मे
म॒रुत॑श्च म॒ इन्द्र॑श्च मे॒ विश्वे' च मे दे॒वा इन्द्र॑श्च मे
पृथि॒वी च॑ म॒ इन्द्र॑श्च मे॒ऽन्तरि॑क्षं च म॒ इन्द्र॑श्च मे॒
द्यौश्च॑ म॒ इन्द्र॑श्च मे॒ दिश॑श्च म॒ इन्द्र॑श्च मे
मू॒र्धा च॑ म॒ इन्द्र॑श्च मे प्र॒जाप॑तिश्च म॒ इन्द्र॑श्च मे ॥
__________________________________
।। सप्तमोऽनुवाक्।।
अ॒ꣳ॒शुश्च॑ मे र॒श्मिश्च॒ मेऽदा᳚भ्यश्च॒ मेऽधि॑पतिश्च म
उपा॒ꣳ॒शुश्च॑ मेऽन्तर्या॒मश्च॑ म ऐन्द्रवाय॒वश्च॑ मे
मैत्रावरु॒णश्च॑ म आश्वि॒नश्च॑ मे प्रतिप्र॒स्थान॑श्च मे
शु॒क्रश्च॑ मे म॒न्थी च॑ म आग्रय॒णश्च॑ मे वैश्वदे॒वश्च॑ मे
ध्रु॒वश्च॑ मे वैश्वान॒रश्च॑ म ऋतुग्र॒हाश्च॑ मेऽतिग्रा॒ह्या᳚श्च म
ऐन्द्रा॒ग्नश्च॑ मे वैश्वदे॒वश्च॑ मे मरुत्व॒तीया᳚श्च मे
माहे॒न्द्रश्च॑ म आदि॒त्यश्च॑ मे सावि॒त्रश्च॑ मे सारस्व॒तश्च॑ मे
पौ॒ष्णश्च॑ मे पात्नीव॒तश्च॑ मे हारियोज॒नश्च॑ मे ॥
__________________________________
।। अष्टमोऽनुवाक्।।
इ॒ध्मश्च॑ मे ब॒र्हिश्च॑ मे॒ वेदि॑श्च मे॒ धिष्णि॑याश्च मे॒
स्रुच॑श्च मे चम॒साश्च॑ मे॒ ग्रावा॑णश्च मे॒ स्वर॑वश्च म
उपर॒वाश्च॑ मेऽधि॒षव॑णे च मे द्रोणकल॒शश्च॑ मे
वाय॒व्या॑नि च मे पूत॒भृच्च॑ म आधव॒नीय॑श्च म॒
आग्नी'ध्रं च मे हवि॒र्धानं॑ च मे गृ॒हाश्च॑ मे॒ सद॑श्च मे
पुरो॒डाशा᳚श्च मे पच॒ताश्च॑ मेऽवभृ॒थश्च॑ मे स्वगाका॒रश्च॑ मे ॥
__________________________________
।। नवमोऽनुवाक्।।
अ॒ग्निश्च॑ मे घ॒र्मश्च॑ मे॒ऽर्कश्च॑ मे॒ सूर्य'श्च मे
प्रा॒णश्च॑ मेऽश्वमे॒धश्च॑ मे पृथि॒वी च॒ मेऽदि॑तिश्च मे॒
दिति॑श्च मे॒ द्यौश्च॑ मे॒ शक्क्व॑रीर॒ङ्गुल॑यो॒ दिश॑श्च मे
य॒ज्ञेन॑ कल्पन्ता॒मृक्च॑ मे॒ साम॑ च मे॒ स्तोम॑श्च मे॒
यजु॑श्च मे दी॒क्षा च॑ मे॒ तप॑श्च म ऋ॒तुश्च॑ मे व्र॒तं च॑
मेऽहोरा॒त्रयो'र्वृ॒ष्ट्या बृ॑हद्रथन्त॒रे च॑ मे य॒ज्ञेन॑
कल्पेताम् ॥
__________________________________
।।दशमोऽनुवाक्।।
गर्भा'श्च मे व॒त्साश्च॑ मे॒ त्र्यवि॑श्च मे त्र्य॒वी च॑ मे
दित्य॒वाट् च॑ मे दित्यौ॒ही च॑ मे॒ पञ्चा॑विश्च मे
पञ्चा॒वी च॑ मे त्रिव॒त्सश्च॑ मे त्रिव॒त्सा च॑ मे
तुर्य॒वाट् च॑ मे तुर्यौ॒ही च॑ मे पष्ठ॒वाट् च॑ मे पष्ठौ॒ही च॑ म
उ॒क्षा च॑ मे व॒शा च॑ म ऋष॒भश्च॑ मे वे॒हच्च॑
मेऽन॒ड्वाञ्च॑ मे धे॒नुश्च॑ म॒ आयु॑र्य॒ज्ञेन॑ कल्पतां
प्रा॒णो य॒ज्ञेन॑ कल्पतामपा॒नो य॒ज्ञेन॑ कल्पतां
व्या॒नो य॒ज्ञेन॑ कल्पता॒(ञ्)चक्षु॑र्य॒ज्ञेन॑ कल्पता॒ꣳ
श्रोत्रं' य॒ज्ञेन॑ कल्पतां॒ मनो' य॒ज्ञेन॑ कल्पतां॒
वाग्य॒ज्ञेन॑ कल्पतामा॒त्मा य॒ज्ञेन॑ कल्पतां
य॒ज्ञो य॒ज्ञेन॑ कल्पताम् ॥
___________________________________
।। एकादशोऽनुवाक्।।
एका॑ च मे ति॒स्रश्च॑ मे॒ पञ्च॑ च मे स॒प्त च॑ मे॒
नव॑ च म॒ एका॑दश च मे॒ त्रयो'दश च मे॒ पञ्च॑दश च मे
स॒प्तद॑श च मे॒ नव॑दश च म॒ एक॑विꣳशतिश्च मे॒
त्रयो'विꣳशतिश्च मे॒ पञ्च॑विꣳशतिश्च मे
स॒प्तविꣳ॑शतिश्च मे॒ नव॑विꣳशतिश्च म॒
एक॑त्रिꣳशच्च मे॒ त्रय॑स्त्रिꣳशच्च मे॒
चत॑स्रश्च मे॒ऽष्टौ च॑ मे॒ द्वाद॑श च मे॒ षोड॑श च मे
विꣳश॒तिश्च॑ मे॒ चतु॑र्विꣳशतिश्च मे॒ऽष्टाविꣳ॑शतिश्च मे॒
द्वात्रिꣳ॑शच्च मे॒ षट्त्रिꣳ॑शच्च मे चत्वारि॒ꣳ॒शच्च॑ मे॒
चतु॑श्चत्वारिꣳशच्च मे॒ऽष्टाच॑त्वारिꣳशच्च मे॒
वाज॑श्च प्रस॒वश्चा॑पि॒जश्च॒ क्रतु॑श्च॒ सुव॑श्च मू॒र्धा च॒
व्यश्नि॑यश्चान्त्याय॒नश्चान्त्य॑श्च भौव॒नश्च॒ भुव॑न॒श्चाधि॑पतिश्च ॥
___________________________________
।। शान्तिमन्त्रः।।
ओम्।
इडा॑ देव॒हूर्मनु॑र्यज्ञ॒नीर्बृह॒स्पति॑रुक्थाम॒दानि॑
शꣳसिष॒द्विश्वे'दे॒वाः सू᳚क्त॒वाचः॒ पृथि॑वीमात॒र्मा
मा॑ हिꣳसी॒र्मधु॑ मनिष्ये॒ मधु॑ जनिष्ये॒ मधु॑ वक्ष्यामि॒
मधु॑ वदिष्यामि॒ मधु॑मती(न्) दे॒वेभ्यो॒ वाच॑मुद्यासꣳ
शुश्रू॒षेण्यां" मनु॒ष्ये'भ्य॒स्तं मा॑ दे॒वा अ॑वन्तु शो॒भायै' पि॒तरोऽनु॑मदन्तु॥
ॐ शान्तिः॒ शान्तिः॒ शान्तिः॑ ॥
इति श्रीकृष्णयजुर्वेदीयतैत्तिरीयसंहितायां चतुर्थकाण्डे सप्तमः प्रपाठकः।